15 balanyń jaǵdaıy aýyr.
Bas sanıtar Esmaǵambetova qyzylsha ahýaly jaıly osylaı málimdedi, dep habarlaıdy almaty-akshamy.kz
QR densaýlyq saqtaý vıse-mınıstr-Bas sanıtarlyq dáriger Aıjan Esmaǵambetova Senattyń jalpy otyrysynyń kýlýarynda eldegi qyzylsha aýrýynyń ahýaly jaıly aıtty.
«Qyzylshaǵa qatysty kóp ata-ana balasyna vaksına salǵansha, aýyryp shyqsyn dep oılaıdy. Qyzylshanyń ózinen emes, onyń asqynýynan qorqý kerek. Sebebi qyzylshamen aýyrǵan balada 5-7 jyldan keıin panensefalıt paıda bolýy múmkin. Iaǵnı, jalpaq tilmen aıtqanda mı joıylyp ketedi. Qyzylsha 5 jasqa deıingi balalarǵa óte qaýipti. Qyzylshamen aýyryp shyqqan bala kem degende 2 jyl ishinde ınfeksıa aýrýlaryn juqtyrýǵa beıim bolady. Eki ólim deregi tirkeldi», - dedi ol.
Esmaǵambetova ataǵandaı, olar Astana men SHQO-da tirkelgen.
«Olar - bir jasqa tolmaǵan sábıler. Iaǵnı vaksınasıa jasyna jetpedi. Bir bala shala týǵan óz potologıasy bolǵan, onyń ústine qyzylsha qosylǵan. Vaksınasıamen qamtý kezinde biz 95 paıyz qamtyldy desek, sonyń 5 paıyzynda osyndaı sanat bolýy múmkin. Ujymdyq ımýnıtet vaksınasıaǵa jatpaıtyn balalardy saqtaý úshin kerek», - dedi Esmaǵambetova.
Vıse-mınıstr 15 balanyń jaǵdaıy aýyr ekenin aıtty.
«Olardyń barlyǵy óńirlerde. Densaýlyq saqtaý mınıstrligi árbireýiniń jaǵdaıyn baqylaýda ustap otyr», - dedi Esmaǵambetova.