Sarapshylardyń aıtýynsha, naýqastardyń úshten ekisi ekpe almaǵan balalar.
Naýqastardyń basym bóligi Almaty men Jambyl oblystarynda, sondaı-aq Almaty men Shymkentte tirkelgen, dep habarlaıdy Almaty-akshamy.kz
Qazaqstanda 10 myń qyzylsha aýrýyn juqtyrǵan adam tirkelse, onyń 80%-dan astamy 14 jasqa deıingi balalar.
Ótken aptada ósim shamamen 30%-dy qurady.
"Aýrýdyń kóbeıýin biz balalardyń josparly ekpeden qalyp qoıýymen, sonymen qatar oqý jylynyń bastalyp, adamdardyń shoǵyrlaný oryndary qalyptasýymen baılanystyramyz", - deıdi Qoǵamdyq densaýlyq saqtaý ulttyq ortalyǵy Tótenshe jaǵdaılar boıynsha jedel ortalyǵynyń dırektory Jánibek Erbaev.
Qyzylsha óte juqpaly aýrý bolǵandyqtan, aýrý juqtyrý kórsetkishi artyp jatyr.
Dárigerler asqynýlarǵa soqyrlyq, ensefalıt, aýyr dıareıa, soǵan baılanysty aǵzanyń sýsyzdanýy, qulaq ınfeksıalary jáne tynys alýdyń aýyr problemalary, sonyń ishinde pnevmonıa bolýy múmkin dep eskertedi.