Qazaqstan Prezıdentí Qasym-Jomart Toqaevtyń atynan Almaty qalasynyń ákímí Erbolat Dosaev 75 tūrǵynǵa memlekettík nagradalardy tapsyrdy, dep habarlaıdy almaty-akshamy.kz
Marapattalǵandar tízímíne eldíń áleumettík-ekonomıkalyq jáne mádenı damuyna eleulí úles qosqan almatylyqtar engen. Olardyń íshínde densaulyq saqtau, bílím beru, mádenıet, bıznes, kólík salalarynyń ókílderí, eńbek ardagerlerí, sondaı-aq qoǵam jáne sayası qaıratkerler bar.
Memleket basshysynyń Jarlyǵymen 1 dárejelí «Barys» ordenímen «Q.I. Sátbaev atyndaǵy Geologıya ǵylymdary ınstıtuty» JShS dırektory Geroı Joltaev marapattaldy. Qazaqstannyń Eńbek síńírgen qaıratkerí qūrmettí ataǵy kompozıtor Elmıra Dehganıge mádenıettíń damuyna qosqan úlesí úshín beríldí.
2 dárejelí «Eńbek Dańqy» ordenímen «Almatyelektrotrans» JShS avtobus júrgízushísí Ákímjan Jūmabaev marapattaldy.
Sondaı-aq, qala ákímí Memleket basshysynyń atynan almatylyqtarǵa «Parasat», «Qūrmet», 3 dárejelí «Eńbek Dańqy» ordenderín, sondaı-aq «Eren eńbegí úshín» jáne «Shapaǵat» medaldaryn tapsyrdy.
Qazaqstan Respublıkasynyń Qūrmet gramotasymen «Almaty Su» MKK slesarí Dáulet Ábdírahmanov, «Almaty Tazalyq» MKK mamandandyrylǵan tehnıka júrgízushísí Aqynqoja Ámíreev, «Samǵau grupp» JShS uchaske bastyǵy Quandyq Erepbaev, «Asfaltobeton 1» JShS aǵa mehanıgí Kamıljan Paltaev, «OljasLTD» JShS avtobus júrgízushísí Mūhamedjan Sadyqov, «Alatau jaryq kompanıyasy» AQ AEJ-6 bastyǵynyń orynbasary Almas Samatūly, «Belsendí ūzaq ómír ortalyǵy» KMM bı boıynsha pedagog-ūıymdastyrushysy Ǵalıya Toqtarbaeva, «JITS-tyń aldyn alu jáne oǵan qarsy kúres ortalyǵy» KMK dırektory Marat Túkeev, «MIDES Stroı» JShS tehnıkalyq dırektory Vıktor Shalyjın jáne «RBS Dostroı» JShS ınjenerí Roman Shevelev marapattaldy.
Ís-sharaǵa Qazaqstan halqy Assambleyasynyń, qalanyń qoǵamdyq keńesíníń, jastar ūıymdarynyń ókílderí, mádenıet qaıratkerlerí, JOO rektorlary, máslıhat deputattary jáne t.b. qatysty. Saltanatty marapattau rásímí Abaı atyndaǵy Qazaq ūlttyq opera jáne balet teatrynyń ǵımaratynda óttí.