Qyzylsha báseńdemeı tur.
Densaýlyq saqtaý mınıstrligi elde qyzylshaǵa kúdikti 199 jaǵdaı tirkelgenin málimdedi, dep habarlaıdy Almaty-akshamy.kz 24.kz-ke silteme jasap
Onyń 124 jaǵdaıy rastaldy. Basym bóligi Almaty qalasynda 78 jaǵdaı, Túrkistan oblysynda-15, Astanada 7 jaǵdaı. Naýqastardyń 90%-i 14 jasqa deıingi balalar. Mamandardyń sózinshe, vırýsqa shaldyqqandar buǵan deıin qyzylshaǵa qarsy ekpe almaǵan.
«Jyl basynan qyzylsha boıynsha epıdemıologıalyq jaǵdaıdyń nasharlaǵanyn baıqaımyz. Bul jaǵdaı tek Qazaqstanda ǵana emes, álemniń kóptegen elderinde de taraǵan. Ol COVID pandemıasy kezinde, aıtalyq, birqatar sebepterge baılanysty balalardy vaksınasıamen qamtymaǵandyqtan paıda boldy», - dedi QR Densaýlyq saqtaý vıse-mınıstri Aıjan Esmaǵanbetova.
«Eń mańyzdy sebepterdiń biri - vaksınasıadan bas tartý. Korǵa qarsy vaksına ol tiri vaksına bolyp tabylady jáne ol vaksınany engizgen kezde adamda turaqty ımýnıtet qalyptasady. Eger bizdiń halyq , eresek adamdar osy vaksınasıaǵa durys qaramaıtyn bolsa , bas tartatyn bolsa, osyndaı jaǵdaıǵa alyp keledi», - dedi №1 kópbeıindi qalalyq balalar aýrýhanasy dırektorynyń orynbasary Dınat Qojekenov.