Ashyqtyq ustanymy Májilis jumysyndaǵy negizgi basymdyq bolyp qala beredi - Erlan Qoshanov.
Májilis tóraǵasy osy baǵyttan taımaıtyndaryn jetkizdi. Onyń aıtýynsha, qoǵam aldynda ashyq bolyp, jýrnalıser qoıǵan mańyzdy suraqtarǵa jaýap berý depýtattarǵa mindetteledi, dep habarlaıdy Almaty-akshamy.kz.
«Búgingi jalpy otyrystyń ózi respýblıkalyq telearnalardan tikeleı efırde kórsetilip otyr. Prezıdent te bul tájirıbeniń tıimdiligi týraly basa aıtqanyn bilesizder. Májiliske ashyq ári jarıa túrde qyzmet etýge barlyq jaǵdaı jasalǵan. Jýrnalıserge suhbat berip, ózekti máseleler boıynsha pikir bildirip otyrý — depýtattardyń basty mindetteriniń biri», - dedi ol.