Aımaqta bir jylda shamamen 500 myń tonna kúrish jınalady.
Qorqyt ata atyndaǵy Qyzylorda ýnıversıtetiniń stýdentteri kúrishten qaǵaz shyǵarýdy úırendi, dep habarlaıdy Almaty-akshamy.kz
Ony sapasy aınalymdaǵy keńse qaǵazdarynan kem túspeıdi, dep habarlaıdy Sputnik Qazaqstan Astana TV arnasyna silteme jasap.
"Aımaqta bir jylda shamamen 500 myń tonna kúrish jınalady. Budan shyǵatyn qaldyqtyń da kólemi soǵan para-par. Dán jınalǵannan keıin, sabandar alqaptarda órteledi. Al onyń adam densaýlyǵyna zıany kóp", - deıdi jas ǵalymdar. Sondyqtan da kúrish qaldyqtaryn kádege jaratyp, qaǵazdyń negizgi shıkizatyn oılap tapqan.
«Selúloza bizde qarapaıym A4 keńse taýary bolyp tabylady. Osynyń quramynda bar, jalpy, biz jasaǵan selúlozanyń prosenti tolyǵymen standarttyq jobalarǵa saı keledi. Tolyǵymen qaǵaz bolyp shyǵý úshin, biz kishkene bólshekterin aldyq. Buǵan birinshi kezekte úlken jumys kúshi jáne úlken úlken apparattar da qajet bolady», - deıdi stýdent Maǵjan Bekqojaev.
Bul shıkizattan keńse qaǵazynan bólek, maılyq, dárethana qaǵazyn shyǵarýǵa bolady. Tipti, áskerı qurylǵylar jasaýda da qoldanylady eken. Mundaı joba buryn-sońdy elimizde bolmaǵan.
«Almatyda qaǵaz shyǵaratyn zaýyt bar, sol zaýyttyń ókilderi kelip, bizdiń jumysqa qyzyǵyp, úlgilerimizdi alyp ketti. Odan bólek, reseılik ǵalymdar bar. Ǵylym qorynyń basshylyǵy da kelip, osy jumysqa qyzyǵýshylyq tanytty. Qazir ınvestor bolýǵa daıyn turǵan bıznes áriptesterimiz de bar», - dep atap kórsetti profesor Nurbol Appazov.
6 jyldyq eńbektiń nátıjesin kórgen ǵalymdar kúrish sabanyn zertteýdi odan ári jalǵastyrmaq. Olar endi bıotyńaıtqyshtar jasap jatyr.