Qyzylorda oblysyna jumys sapary barysynda QR Ekologıa jáne tabıǵı resýrstar mınıstri Erlan Nysanbaev óńirdegi qatty turmystyq qaldyqtardy (QTQ) qaıta óńdeý polıgonynyń qurylys barysymen tanysty. Bul sharalar Memleket basshysynyń tapsyrmasymen júzege asyrylyp jatqan «Taza Qazaqstan» ulttyq bastamasynyń aıasynda qolǵa alynýda.
Qazirgi tańda Qyzylorda oblysynda jylyna orta eseppen 303 myń tonna QTQ shyǵarylady, onyń 30,1%-y qaıta óńdeledi. QTQ jınaý jáne áketý qyzmetterimen óńir turǵyndarynyń 71,5%-y qamtylǵan.
Oblys boıynsha:
-
8 eldi mekende QTQ-ny bólek jınaý júıesi engizilgen;
-
8 eldi mekende suryptaý jumystary júrgiziledi;
-
Qaldyqtardy bólek jınaý, suryptaý jáne qaıta óńdeýmen aınalysatyn 17 kásiporyn jumys isteıdi.
Sonymen qatar, «Jasyl Damý» AQ jáne «Ónerkásipti damytý qory» AQ birlesip, 9 jańa kásiporyn salýdy josparlap otyr. Olar qaldyqtardy suryptaý jáne qaıta óńdeýdi jandandyrýǵa baǵyttalǵan.
Qazirgi tańda oblys aýmaǵynda 145 QTQ polıgony bar. 2021–2024 jyldary:
-
Aral qalasynda,
-
Tereńózek kentinde,
-
Qyzylorda qalasynda
3 polıgon men 2 qoqys suryptaý kesheni salyndy.
Aldaǵy ýaqytta Aral (Sekseýil), Jalaǵash, Shıeli jáne Jańaqorǵan aýdandarynda jańa suryptaý kesheni bar polıgondar salý josparlanǵan.
Búgingi kúni Qyzylorda qalasynda jańa qaldyqtardy suryptaý zaýytynyń kapsýlasy resmı túrde salynyp, joba qurylysyn bastaýǵa alǵashqy qadam jasaldy. Kapsýla salý rásimine Ekologıa mınıstri Erlan Nysanbaev pen oblys ákimi qatysty.