QR Oqý-aǵartý mınıstrligine qarasty «Talap» komersıalyq emes aksıonerlik qoǵamy tehnıkalyq jáne kásiptik bilim berý uıymdary arasyndaǵy «TOP–100 stýdent» respýblıkalyq baıqaýynyń qorytyndysy boıynsha elektrondyq jýrnal daıyndady, dep habarlaıdy aqshamnews.kz
Jýrnalda baıqaýdyń maqsaty men mindetteri, uıymdastyrýshy, operator jáne seriktester týraly aqparattar jınaqtalǵan. Negizgi nazar — elimizdiń úzdik 100 kolej stýdentine aýdarylǵan. Jınaqta olardyń:
-
aty-jóni,
-
oqý orny men mamandyǵy,
-
irikteý prınsıpteri,
-
jetistikteri men qoǵamdyq belsendiligi,
-
kásibı jobalarǵa qatysý nátıjeleri (jumysqa ornalasýy, trenıńterge qatysýy jáne t.b.)
týraly tolyq málimet berilgen.
«Elektrondyq jýrnal stýdentterge, oqytýshylarǵa, kolej ókilderi men jumys berýshilerge paıdaly aqparat kózi bolady. Ol www.talap.edu.kz resmı saıtynda qoljetimdi», — dedi Tehnıkalyq jáne kásiptik bilim berý departamentiniń dırektory Áset Muhambetov.
Aıta keteıik, «TOP–100 stýdent» baıqaýy 2025 jyldyń naýryzynda bastalǵan bolatyn. Jobanyń maqsaty — tehnıkalyq jáne kásiptik bilim berý júıesinde oqyp júrgen daryndy, belsendi ári bolashaǵynan úmit kúttiretin stýdentterdi anyqtaý jáne qoldaý.