Sıntetıkalyq zatty kóterme baǵamen alyp, bólshektep satqan jigit ustaldy
Almaty polısıasy qyzylordalyqtan sıntetıkalyq esirtkiniń asa iri partıasyn tárkiledi, dep habarlaıdy Almaty-akshamy.kz Polisia.kz-ke silteme jasap.
Esirtki qylmysyna qarsy kúres bóliminiń jedel qyzmetkerleri arnaıy is-sharany Almatynyń Naýryzbaı aýdanynda júrgizdi.
«Qyzylorda oblysynyń 24 jastaǵy turǵyny ustaldy. Ol, anyqtalǵandaı, betbelgiler arqyly sıntetıkalyq esirtki satýmen aınalysqan. Onyń turǵylyqty jerinde polıetılen paketterge oralǵan shóp, sondaı-aq kúdiktiniń oraǵanda jáne esirtkini taratqanda paıdalanǵan quraly tabylyp, tárkilendi. Ustalǵan azamattyń aıtýynsha, ol sıntetıkalyq zattardy ınternet arqyly kóterme saýdamen satyp alyp, Almaty qalasy men Almaty oblysynda bólshek saýdada ótkizgen. Kúdikti esirtki zattaryn satqany úshin elektrondy aýdarymdar arqyly syıaqy alǵan. Bir tapsyrystyń somasy 100 myńnan 200 myń teńgege deıin boldy. Sot-hımıalyq saraptamasynyń qorytyndysy boıynsha, esirtki – “PVP”, onyń salmaǵy 130 gramdy qurady», – dep habarlady Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Kúdikti ýaqytsha ustaý ızolátoryna qamaldy. Oǵan QR QK-niń 297-baby 3-bóligi (Asa iri kólemde esirtkini satý maqsatynda zańsyz saqtaý, tasymaldaý) boıynsha aıyp taǵyldy.