Joldyń bir bóligi «isip» jáne kóterilip, jaryqtar paıda bolǵan.
Qazaqstandyqtar áleýmettik jelide elimizdiń Dúnıejúzilik bankten alǵan nesıesine salynǵan «Qyzylorda-SHymkent» aqyly jolynyń vıdeosyn taratyp jatyr, dep habarlaıdy Almaty-akshamy.kz Inbusiness.kz silteme jasap.
Joldyń bir bóligi «isip» jáne kóterilip, jaryqtar paıda bolǵan. Munyń bári qozǵalysqa kedergi keltirip, tipti júrgizýshilerdiń qaýipsizdigine qaýip tóndirgen.
«QazAvtoJol» málimetinshe, 8 maýsymda saǵat 17.00 shamasynda Túrkistan oblysyndaǵy Tórtkól aýyly mańyndaǵy Qyzylorda-SHymkent aqyly jol ýchaskesinde aýa temperatýrasynyń joǵarylaýyna (+40-45 S) baılanysty joldyń sementti beton taqtasy kóterilip ketken.
«Joldyń kóterilip ketken bóligi alynyp tastaldy. Merdiger «ShymkentJolQurylys» JSHS qıyrshyqtas-qum tósep, asfált jabyndysyn jaýyp, joldy ýaqytsha qalpyna keltirý jumystaryn júrgizdi. Jol jóndeý jumystaryna 10 adam men 5 tehnıka (3 samosval, 1 tıegish, 1 gıdravlıkalyq balǵa) jumyldyryldy», - delingen habarlamada.
Joldyń atalǵan bóligine jyldamdyqty shekteý, jol bóliginiń tarylýy sıaqty eskertý belgileri ornatyldy. Jol ýchaskesine Túrkistan oblysy PD patrúldik kólikteri qoıyldy.