Sileýsin bir ózi emes, úsh kúshigimen júrgen
Onyń vıdeosy "Altynemel" ulttyq parkiniń áleýmettik paraqshasynda jarıalandy. Vıdeoda enesiniń artynan sileýsinniń shamamen bir jastaǵy úsh kúshiginiń erip júrgenin kórýge bolady, dep habarlaıdy Almaty-akshamy.kz QazAqparatqa silteme jasap.
«Bul - sırek kezdesetin qubylys. Ádette, sileýsin ekiden artyq kúshiktemeıdi. Al bul sileýsinde úsheý. Mundaı oqıǵa ulttyq saıabaqta sileýsin úshin qolaıly ómir súrý jaǵdaıy bar ekenin kórsetedi. Olardyń negizgi azyǵy – sibir taý eshkisiniń laǵy men jabaıy qabannyń balasy jáne sırek kezdesetin kekilikter», – delingen habarlamada.
«Altynemel» – Almaty oblysyndaǵy İle ózeniniń alqabyndaǵy memlekettik ulttyq tabıǵı park.