Ózekti máseleler qaraldy.
Qorǵanys mınıstrliginde general-leıtenant Rýslan Jaqsylyqovtyń basshylyǵymen Qazaqstan Respýblıkasy Qaýipsizdik Keńesiniń áskerı qaýipsizdik máseleleri jónindegi vedomstvoaralyq komısıasynyń otyrysy ótti, dep habarlaıdy Almaty-akshamy.kz.
Otyrysqa Qaýipsizdik Keńesi apparatynyń ókilderi, Qarýly Kúshterdiń, Ulttyq qaýipsizdik komıteti Shekara qyzmetiniń, Ulttyq ulannyń, sondaı-aq ortalyq memlekettik jáne jergilikti atqarýshy organdardyń basshylyǵy qatysty.
«Qorǵanys mınıstriniń birinshi orynbasary – Bas shtab bastyǵy general-leıtenant Marat Qusaıynov áskerı doktrınany qaıta qaraý jónindegi jumystyń barysy týraly baıandady. El Prezıdenti Qasym-Jomart Toqaev Qazaqstan halqyna Joldaýynda qujatty jańartý qajet ekendigin atap ótken», - delingen Qorǵanys mınıstrliginiń baspasóz qyzmetiniń habarlamasynda.
Otyrys barysynda aýmaqtyq qorǵanysty odan ári damytý sharalary, sondaı-aq qorǵanys salasyndaǵy basqa da ózekti máseleler qaraldy.
Qazaqstan Respýblıkasy Qaýipsizdik Keńesiniń áskerı qaýipsizdik máseleleri jónindegi vedomstvoaralyq komısıasy memlekettiń áskerı qaýipsizdigin qamtamasyz etýdiń máseleleri men negizgi baǵyttaryn qarastyratyn konsýltatıvtik-keńesshi organ ekenin atap ótken jón.