Klıkýn – aqqý sany azaıyp bara jatqan túr retinde Qazaqstan Respýblıkasynyń Qyzyl kitabyna engizilgen.
Bulandy aýdandyq polısıa bóliminiń ýchaskelik ınspektorlarymen Jýravlev aýyldyq okrýginiń aýmaǵynda reıdtik is-sharalardy ótkizý kezinde 67 jastaǵy jergilikti turǵynnyń basqarýyndaǵy “IJ-Úpıter 5” motosıkli toqtatyldy, dep jazady Almaty-akshamy.kz Inbusiness.kz-ke silteme jasap.
Qujattar men kólik quralyn tekserý kezinde polıseıler motosıkl arbasynan eki klıkýn – aqqýdyń ushasy jáne 12 kalıbrli “TOZ 34” tegis uńǵyly ańshylyq myltyǵyn tapty. Aıta ketý kerek, qarý İİO-da tirkelgen, sonymen qatar aýyl turǵynynyń tıisti ańshy kýáligi bar.
Aqmolalyqtyń aıtýynsha, Qyzyl kitapqa engizilgen aqqýlardy atýǵa tyıym salynǵanyn ol bilgen, alaıda qustardy kórgennen keıin olardy atyp óltirgen. Bul fakt QR QK-niń 337-baby 1-bóligi boıynsha sotqa deıingi tergep-tekserýlerdiń biryńǵaı tizilimine engizildi (Zańsyz ań aýlaý).
Qajetti tergeý amaldary júrgizilýde. Polıseıler aımaqta sýda júzetin qustardy aýlaýǵa tyıym salynǵanyn eskertedi. Klıkýn – aqqý sany azaıyp bara jatqan túr retinde Qazaqstan Respýblıkasynyń Qyzyl kitabyna engizilgen.