«Qyzǵaldaq» fılminiń keıipkerleri 15 jyldan keıin bas qosty.
«Shopan bolamyn» dep týǵan aýylyna oralǵan teńizshi Asqattyń ómirin beınelegen kartına úlken ekranǵa qaıta oraldy. Ataýly kúnniń qurmetine oraı shyǵarmashylyq ujym Shymkentte jınaldy, dep habarlaıdy Almaty-akshamy.kz 24.kz-ke silteme jasap.
Megapolıske jaqyn Betpaq dalada 4 jyl boıy túsirilgen fılmde qazaq aýylynyń salt-dástúrleri sýretteledi. Túsirilim barysynda akterler shopandardyń taýqymetti ómirin shynaıy jetkizý úshin kıiz úılerde turyp, uzaq ýaqyt mal sońynda júrgen. Fılm kóptegen halyqaralyq marapattardy jeńip aldy. 2008 jyly Kann kınofestıvalinde erekshe júldege ıe boldy. Sondaı-aq, 2009 jyly «úzdik sheteldik fılm» atalymy boıynsha Oskarǵa usynyldy. Fılmniń 15 jyldyǵyna arnalǵan kórsetilimder buǵan deıin Parıjde, Almatyda jáne Máskeýde ótken bolatyn.
«Bul óte erekshe oqıǵa, óıtkeni fılm barǵan saıyn tanymal bolyp keledi, bul tańqaldyrdy bizdi. Bastapqyda kórermender az bolǵanymen, birtindep kóbeıip keledi. Ásirese jastar jaǵy kóbirek unatady. Biz bastaǵan kezde barlyq akterler debútanttar bolǵan edi. Al búginde olar Qazaqstannyń úzdik akterleriniń biri», - deıdi rejıser Sergeı Dvorsevoı.