«Besik jyry» qysqametrajdy anımasıalyq fılmi Úndistanda ótken Roshani International film festival 2023 festıvalinde «Úzdik anımasıalyq fılm» ataǵyn jeńip aldy.
Kınotýyndy Mádenıet jáne sport mınıstrliginiń qoldaýymen jaryqqa shyqqan, dep habarlaıdy Almaty-akshamy.kz QazAqparatqa silteme jasap.
Aýrangabad qalasynda tórtinshi márte ótken halyqaralyq festıvál álemniń túkpir-túkpirinen talantty kınematografısterdi jınady. Bıyl baıqaýǵa 1300-ge jýyq jumys usynyldy. Onyń ishinde 132-i anımasıalyq fılmder. Dala animation shyǵarmashylyq ujymy daıyndaǵan «Besik jyry» múltfılmi qazylardyń eń joǵary baǵasyn alyp, kórermenniń kóńilinen shyqty.
Týyndy 2021 jyly Mádenıet jáne sport mınıstrligine qarasty Ulttyq kınony qoldaý memlekettik ortalyǵynyń qoldaýymen jasaldy.
«Aıta ketý kerek, bul «Besik jyry» anımasıalyq fılminiń alǵashqy júldesi emes. Qazaqstandyq múltfılm mamyr aıynda Ispanıa astanasy Madrıdte ótken bedeldi kınofestıvalde «Eń úzdik qysqametrajdy anımasıalyq fılm» júldesin jeńip alǵan edi. Ol baıqaýǵa 1500 anımasıalyq jumys úmitker retinde usynylǵanyn aıta ketken jón»,- dedi QR MSM Mádenıet komıtetiniń tóraǵasy Arman Júdebaev.
Eske salaıyq, «Besik jyry» qysqametrajdy anımasıalyq fılmi buǵan deıin Madrıdte júlde alǵan bolatyn.