Reseıden Qazaqstanǵa ákelingen 500 keli qyzanaqtan qaýipti vırýs tabyldy, dep habarlaıdy almaty-akshamy.kz Aýyl sharýashylyǵy mınıstrliginiń Agroónerkásiptik keshendegi memlekettik ınspeksıa komıtetine silteme jasap.
Atalǵan oqıǵa Batys Qazaqstan oblysynyń Oral aýmaqtyq ınspeksıasynyń ósimdikter karantıni jónindegi memlekettik ınspektorlarynyń mejeli ornynda ekinshi qaıtara tekseris júrgizýi barysynda anyqtalǵan. 0,5 tonna qyzanaq óniminen qyzanaq jemisiniń qońyr qatparly vırýsy (ToBRFV) tabyldy.
«Derek boıynsha ákimshilik hattama toltyrylyp, tártibimen sotqa joldandy. Ákimshilik quqyq buzýshylyq kodeksiniń 400-baby 2-bóliginiń 1) tarmaǵyna sáıkes sotpen aıyppul salyndy. Saqtaýda turǵan karantındik qyzanaq ónimi sot qaýlysyna sáıkes joıýǵa jatady», - delingen habarlamada.
Bul jaǵdaı karantındik nysandardyń tasymaldaý kezindegi qaýipsizdigin qamtamasyz etýdiń mańyzdylyǵyn taǵy bir ret eske saldy. Aýyl sharýashylyǵy mınıstrligi aldaǵy ýaqytta mundaı jaǵdaılardyń aldyn alý úshin baqylaýdy kúsheıtýge nıetti.