12 maýsymda UQK tóraǵasy Ermek Saǵymbaevtyń basshylyǵymen Qazaqstan Respýblıkasy Terorızmge qarsy ortalyǵynyń kezekti otyrysy ótti, dep habarlaıdy almaty-akshamy.kz.
Onda sheteldik radıkaldardyń ený qaýpin joıý, ekstremızm men terorızmniń aldyn alý, sondaı-aq osal nysandardy terorızmge qarsy qorǵaý máseleleri qaralǵan.
Otyrysta eldegi mańyzdy qoǵamdyq-saıası is-sharalardyń qaýipsizdigin qamtamasyz etý sheńberinde memlekettik organdardyń ózara is-qımylyn kúsheıtý sharalary talqylanǵany aıtyldy.
"Sonymen qatar, UQK bıyldan bastap Qazaqstanda 1 terrorlyq shabýyldyń aldyn alyp, 26 adam terorıstik jáne ekstremıstik qyzmeti úshin sottalǵany atap ótildi. Ekstremızm men terorızmge qatysy bar 151 sheteldik azamattyń elge kirýine jol berilmedi. Respýblıkaǵa tyıym salynǵan dinı ádebıetterdi ákelgeni úshin 19 sheteldik jaýapqa tartyldy.
Sondaı-aq, 356 terorızmge qarsy oqý is-sharalary ótkizildi", - delingen habarlamada.
İİM jáne UQK kúshterimen terorıstik turǵydan osal nysandardyń, onyń ishinde adamdar kóp jınalatyn oryndardy 3 myńnan astam tekserý júzege asyrylǵan.