Sıfrlyq damý, ınovasıalar jáne aeroǵarysh ónerkásibi vıse-mınıstri Dosjan Musalıevke Qazaqstan bıligi qyzdar.net saıtyn nege buǵattaı almaı otyrǵany týraly suraq qoıyldy, dep habarlaıdy aqshamnews.kz
Biraq Ulysmedia.kz tilshisi joldaǵan suraqqa naqty jaýap berilgen joq.
Musalıevtiń sózinshe, aqparattyq qaýipsizdik eki bólikten turady.
Birinshisi kontent qaýipsizdigi. Ekinshisi kıberqaýipsizdik. Bizdiń mınıstrlik kıberqaýipsizdikke jaýap beredi. Meniń bilýimshe, bul saıttarǵa qatysty suraqtarmen (qyzdar.net) aqparat jáne mádenıet mınıstrligi aınalysady. Olar kontent zańǵa qaıshy kelgen jaǵdaıda olardy buǵattaıdy, deıdi Musalıev.
Vıse-mınıstr vedomstvo adamdardyń qaýipsizdigin qalaı qorǵaıtynyn túsindirýge tyrysty.
Aqparattyq júıelerdiń qaýipsizdigine sol júıelerdiń basshylary jaýapty. Biz mınıstrlik retinde tıisti zańdardy qabyldap, olardyń oryndalýyn qadaǵalaımyz. Al tergeý barysynda jeke derekter shyǵyp ketip jatsa, árıne tekserý qajet. Ol týraly tıisti organdarǵa habarlaý kerek. Eger ol ákimshilik buzýshylyq bolsa biz jaýaptymyz. Al quqyq buzý jaǵynan bolsa kıberpolısıa, ishki ister mınıstrligi jaýapty. Bizdiń sarapshylardyń ishki ister mınıstrligi tergeý toptaryna taratady. Biraq tergeýdiń ózi de qupıa júredi, sondyqtan sarapshylar bizge aqparat bere almaıdy, deıdi vıse-mınıstr.