Shyntaǵyńdy shyǵarma!

Shyntaǵyńdy shyǵarma! ınternetten

İİM avtokólik júrgizýshilerine aıyppul salý kezinde polısıa qyzmetkerleri qandaı krıterıılerge súıenetinin túsindirýge tyrysty, dep habarlaıdy aqshamnews.kz

İİM árbir jaǵdaıdy jeke qarastyrý qajet ekenin málimdedi. Mysaly, keı jaǵdaıda kólikten syrtqa shyǵarylǵan qol nemese aıaq júrgizýshiniń nemese joldaǵy basqa adamdarǵa kórý múmkindigine kedergi keltirýi múmkin.

Árqashan quqyqbuzýshylyqtyń nıeti men quramyna súıený kerek. Eger adam tek shyntaǵyn shyǵaryp, bul júrgizýshiniń kórinýine kedergi keltirmese jáne jol qozǵalysy erejelerin buzýǵa sebep bolmasa, onda bul jaǵdaıda quqyqbuzýshylyq quramy joq. Al eger adam denesiniń jartysyn shyǵaryp, qolyn bulǵap, basqa júrgizýshilerge kedergi keltirse nemese olardyń nazaryn aýdartatyn bolsa — bul jaǵdaıda ákimshilik quqyqbuzýshylyq quramy bar, – dedi QR İİM Zańnama jáne normashyǵarmashylyq qyzmetti úılestirý departamentiniń bastyǵy Renat Zulqaıyrov.

Alaıda «kedergi keltirýdiń» naqty qalaı anyqtalatyny nemese ólshenetini ázirge belgisiz.

KONTEKST

2025 jyly 13 naýryzdan bastap Qazaqstanda júrip bara jatqan kóliktiń terezesinen, lúginen nemese esiginen dene múshelerin qoldy, aıaqty nemese basty shyǵarýǵa resmı túrde tyıym salyndy. Bul talapty buzǵandarǵa 10 aılyq eseptik kórsetkish (AEK), ıaǵnı 39 320 teńge kóleminde ákimshilik aıyppul qarastyrylǵan. Buǵan deıin Astanada jolaýshynyń kólikten aıaǵyn shyǵarǵany úshin júrgizýshige aıyppul salynǵan bolatyn.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0