Almatyda kolejdiń eki stýdenti polısıaǵa jarylǵysh zat týraly jalǵan aqparat bergen.
Almatydaǵy kolejderdiń birine jarylǵysh zat qoıylǵany týraly habarlama taraǵan, dep habarlaıdy aqshamnews.kz Polisia.kz-ke silteme jasap.
Qalanyń tótenshe jaǵdaılar jáne jedel qyzmetteri dereý ǵımarat pen onyń mańaıyna komısıalyq tekserý júrgizdi, nátıjesinde jarylǵysh qurylǵylar, jarylǵysh zattar, oq-dáriler nemese basqa da qaýipti zattar tabylmady. Jalǵan aqparat berdi degen kúdikpen atalǵan oqý ornynda 1-kýrs oqıtyn eki stýdent ustaldy.
Olar - 16 jastaǵy J.esimdi jáne 15 jastaǵy T.esimdi stýdentter. Olardyń áreketi QR QK-niń 273-babymen (Terorızm aktisi týraly kórineý jalǵan habarlaý) saralanǵan. Aıǵaqty zattar tárkilendi, olar boıynsha saraptama taǵaıyndaldy. Atalǵan derek boıynsha sotqa deıingi tergeýdi Bostandyq aýdandyq PB janyndaǵy polısıa bólimi júrgizip jatyr. Sonymen qatar Almaty polısıasy jalǵan habarlama taratqany úshin qylmystyq jaýapkershilikke tartylatynyn taǵy da eske salady. QR-nyń jańa QK-niń 273-babynyń normasyna sáıkes, aldaǵy lańkestik aktisi týraly jalǵan aqparat berý bes jylǵa deıingi merzimge bas bostandyǵynan aıyrýǵa jazalanady.