Dımash jankúıerimen qol alysty.
Álemge áıgili qazaqstandyq ánshi Dımash Qudaıbergenge qytaılyq jankúıeri tosyn syı jasady, dep habarlaıdy Almaty-akshamy.kz Almaty.tv silteme jasap.
Dımash Qudaıbergen Instagram-da jarıalanǵan vıdeoda ony jankúıerler qorshap turǵany kórinedi. Kadrlarda Dımash olardy muqıat tyńdap, baqylap tur. Bir sátte jınalǵandardyń biri án shyrqaı bastaıdy, al ánniń sońyn qazaq tilinde aıtady. Muny estigen Dımash tańǵalǵanyn jasyrmaıdy. Osydan keıin ol jankúıerimen qol alysady.
«Qytaı qalalarynyń biriniń áýejaıynda túsirilgen vıdeo. Er adam ánimniń sońǵy joldaryn qazaqsha aıtqanda, tańǵaldym», - dep jazdy ánshi Instagram-paraqshasynda.
Shamasy, jankúıer Dımash Qudaıbergenniń «Umytylmas kún» ánin shyrqasa kerek, ol ánniń sońynda «ańsarym da ardaǵym sen» degen joldardy aıtady.
Buǵan deıin ánshi Qytaıdan Reseıge jańa ánge beınebaıan túsirýge ushyp kelgenin aıtqan bolatyn.
«Biz Sankt-Peterbýrg qalasyndamyz. Reseıde eki aptaǵa jýyq ýaqyt bolamyn, óıtkeni konsertterge qatysamyn, telebaǵdarlamalarǵa túsemin», - dep jazdy ol.
Posmotret etý pýblıkasıý v Instagram