Qytaı ǵalymdary robot kenshi jasady. Bul qurylǵy ǵaryshtan ken izdeıdi, qazba jumystaryn júrgizedi, dep habarlaıdy aqshamnews.kz 24.kz silteme jasap.
Aı men mars jáne jerdiń tóńiregindegi asteroıdtardy zertteıdi. Qurylǵy bederi oıly-qyrly aspan deneleriniń betinde erkin qozǵala alady. Ereksheligi 250 gradýs temperatýra men mıkrogravıtasıaly ortada jumys isteı beredi.
Joba avtorlary ony ǵarysh keńistigine barynsha jaqyndatylǵan zerthanada alǵashqy synaqtan ótkizdi. Alaıda ınjenerler tartylys kúshiniń tómendigine baılanysty birqatar qıyndyqtarǵa tap bolǵan.
Lú Sınhýa, Qytaıdyń Taý isi jáne tehnologıalar ýnıversıtetiniń profesory: - Eń qıyny, burǵylaý jumystaryn júrgizý boldy. Gravıtasıa joq keńistikte salmaq kómektespeıdi. Onyń ústine aı topyraǵy borpyldaq keledi. Robot qalypty jaǵdaıda tura almaıdy. Burǵy qozǵalyp kete beredi. Bul máseleniń sheshimin jándikterden taptyq. Solardyń tyrnaq qurylymyna uqsas etip 6 aıaq jasadyq. Ol janasyp, qabysýyn kúsheıtýge múmkindik berdi.