Bul týraly QR Qarjylyq monıtorıń agenttiginiń resmı saıty jazdy.
Qytaıdan taýar tasymaldaıtyn JSHS biri 585,6 mln teńgeniń kontrabandalyq taýaryn alyp ótpek bolǵan, dep habarlaıdy Almaty-akshamy.kz QazAqparatqa silteme jasap.
«QR Qylmystyq kodeksiniń 234-baby 2-bóliginiń 1,4,5-tarmaqtarynda kózdelgen ekonomıkalyq kontrabanda faktisi boıynsha «Group of the Companies TDA» JSHS basshylyǵyna qatysty sotqa deıingi tergeý amaldary bastaldy. Kásiporynnyń barlyq operasıalyq jumystaryn osy JSHS dırektory júrgizdi. Qytaıdan Eýrazıalyq keden odaǵynyń kedendik aýmaǵyna zańsyz tasymaldanǵan taýarlardyń jalpy quny 585 617 144 teńgeni qurady», - dep jazady agenttiktiń resmı saıty.
Kásiporyn bul taýar úshin búdjetke 125 244 847 teńge kóleminde kedendik tólemder men salyqtar tóleýi kerek bolǵan.
«Bıylǵy jyldyń 31 naýryzynda Almaty qalasynyń arnaýly aýdanaralyq tergeý soty JSHS dırektoryna qatysty 2 aı merzimge «qamaý» túrindegi bultartpaý sharasyna sanksıa berdi. Qazirgi tańda sotqa deıingi tergeý amaldary júrgizilýde. Qylmystyq is QPK 201-babyna sáıkes, tergeý múddesindegi ózge de málimetter jarıa etýge jatpaıdy», - delingen resmı málimette.
Eske salsaq, Quryq porty arqyly 22 tonna temekini zańsyz ákelgen kontrabandashy sottalǵan bolatyn.