Alaý vırtýaldy túrde Londonnan Beıjińge jiberiledi.
2022 jylǵy Qysqy Paralımpıada oıyndarynyń Alaý estafetasynyń saltanatty ashylý rásimi sársenbi kúni Beıjińniń ońtústigindegi Aspan shirkeýinde ótedi, dep habarlaıdy Almaty-akshamy.kz QazAqparatqa silteme jasap.
Kóktemniń alǵashqy kúninde Londondaǵy Stok-Mandevıl stadıonynda 2022 jylǵy oıyndardyń alaýy jaǵyldy. Estafetanyń alǵashqy alaý ustaýshysy múgedekter arbasyndaǵy kerlıngten eki brıtandyq Paralımpıada júldegeri boldy. Alaý vırtýaldy túrde Londonnan Beıjińge jiberiledi.
2 naýryzda jarystyń úsh klasterinde (Beıjiń, Iansın jáne Chjanszákoý) alaý jaǵylady jáne úsh alaý QHR astanasyndaǵy Aspan ǵıbadathanasynda (Tántan) bir otqa biriktiriledi.
Paralımpıadalyq alaý estafetasy 2-4 naýryz aralyǵynda ótedi. Oǵan 600-ge jýyq alaýger qatysady.
Juma kúni «Qus uıasy» ulttyq stadıonynda paralımpıadalyq alaý jaǵylyp, 2022 jylǵy Beıjińdegi Qysqy Paralımpıada oıyndarynyń resmı bastalǵanyn bildiredi.
Qazaqstannyń paralımpıada quramasyna bes sportshy kirdi, olar shańǵy jarysynda jáne bıatlonda óner kórsetedi.
XIII Qysqy Paralımpıada oıyndary Beıjińde 4-13 naýryz aralyǵynda ótedi. Oǵan 50 elden 700-den astam sportshy qatysady. Sportshylar sporttyń alty túrinen 78 túrli jarysta baq synaıdy.