Qazaqstandyqtar kez kelgen aqparatty kóre alady.
Indýstrıa jáne ınfraqurylymdyq damý mınıstrligi aýyz sýmen qamtamasyz etý jónindegi ınteraktıvti kartaǵa ózgerister engizdi, dep habarlaıdy Almaty-akshamy.kz.
«Kartaǵa azamattardyń ótinishterin qabyldaý men óńdeýdiń biryńǵaı platformasy (E-ótinish) arqyly halyqpen keri baılanys ornatýǵa arnalǵan jańa fýnksıalar qosyldy», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Mamandardyń aıtýynsha, aýyldardy sýmen qamtamasyz etý deńgeıin monıtorıńileý úshin mınıstrlikpen turǵyndarǵa qoljetimdi auylsu.kz ınteraktıvti kartasyn ázirlengen bolatyn.
Kartanyń kómegimen árbir azamat ózin qyzyqtyratyn kez kelgen aqparatty kóre alady. Máselen, óńirdiń sýmen qamtamasyz etilýi, qarjylandyrý, qarajatqa degen qajettilik, halyq sany týraly jáne basqa da málimetter júktelgen.
Jalpy, aýyz sýmen qamtamasyz etý boıynsha Almaty (99,1%), Atyraý (99%) jáne Qyzylorda oblystary (97,8%) kósh basynda tur. Degenmen birqatar óńirde artta qalýshylyq bar. Aýyz sýmen qamtýdyń eń tómengi deńgeıi Qostanaı (74,9%) jáne Soltústik Qazaqstan oblystarynda (83,5%) baıqalady.
2021 jyldyń qorytyndysy boıynsha, aýyl halqy arasynda sýmen jabdyqtaý qyzmetterine degen qoljetimdilik 93%-dy quraıdy.