Qytaıda on birinshi aıdyń on birinshi kúni otaý qurmaǵan adamdarǵa syılyq tartý dástúri bar, dep habarlaıdy almaty-akshamy.kz «Habar 24»-ke silteme jasap.
Boıdaqtar kúnine oraı kóptegen kompanıalar óz taýarlaryna jeńildikter beretindikten, halyqtyń kóbi múmkindikti paıdalanady. Ol AQSH-taǵy «Qara juma» degen úlken jeńildikter kúnine uqsap ketken. Bıylǵy boıdaqtar kúninde Qytaıda jańa rekord tirkeldi.
Tek «Taobao» elektrondy platformasynda bıyl saýda kólemi 8,5 prosentke artqan. Al jalpy halyq bul kúni 84 jarym mıllıard dollarǵa taýar satyp alǵan eken. Koronavırýs indeti de saýdanyń ósýine áser etken syńaıly. Óıtkeni adamdardyń kóbi ádetin ózgertip, qajetti zattaryn onlaın satyp alatyn bolǵan.