Beıjiń turǵyny Kanadadan poshta arqyly hat alyp, "omıkron" juqtyrdy dep habarlaıdy Almaty-akshamy.kz
Naýqas keıingi 14 kún ishinde shahardan shyqpaǵan. Mamandar hatty teksere kele, onda vırýs bar ekenin anyqtady. Endi jergilikti bılik turǵyndardy ózge elden taýar alýdy ýaqytsha doǵarýǵa shaqyrady. Poshta qyzmeti de saqtyqqa kóshti.
- Poshta arqyly shet lden kelgen zatty syrtta maska men qolǵap kıip ashý kerek. Al onyń qaptamasyn úıge kirgizbegen jón. Óıtpegen jaǵdaıda ishin jáne syrtyn hlorlanǵan suıyqtyqpen nemese 75 prosenttik spırtpen zalalsyzdandyrǵan durys deıdi, - aýdan meriniń orynbasary Lın Han, Haıdán
Keıingi táýlikte Beıjińde 3 adam vırýs juqtyrdy. Olardyń arasynda "omıkron" jáne "delta" shtamyn juqtyrǵandar bar. Bul naýqastardyń jumys oryny men turǵylyqty jeri karantınge jabyldy. Keı óńirde oqýshylar qashyqtan oqýǵa kóshti.
Qazir shahardyń 22 mln halqy tolyq ekpe saldyrǵan. Tipti 13 mln býsterlik doza alǵan. Munda Olımpıada oıyndarynyń bastalýyna 3 apta qalǵanymen bıletter satylmaıdy. Ózge elden kelgen azamattarǵa sanıtarlyq talap qatańdatylǵan.