Qytaı SİM-niń AQSH-taǵy ókili Mao Nınniń aıtýynsha, aerostat aýa raıyna baılanysty marshrýttan aýytqyp ketken, dep jazady CNN.
Beıjiń áýe sharynyń saıası maqsatta qoldanylmaǵanyn, tyńshylyq jasamaǵanyn aıtady, dep jazady Almaty-akshamy.kz. inbusiness.kz.-ke silteme jasap.
Eske sala ketsek, 4 aqpan kúni Latyn Amerıkasy aspanynda belgisiz nysan ushyp, keıin onyń Qytaıǵa tıesili áýe zondy ekeni anyqtaldy. Basynda Beıjiń tehnıkaǵa ıelik etetinin moıyndamaǵanymen, Qytaı elshisi resmı málimdeme jasap, túsinikteme berýge týra keldi.
"Qytaı - jaýapkershiligi bar el. Biz árqashan halyqaralyq quqyqty qatań saqtadyq. Barlyq tıisti taraptardy habardar etip, eshbir elge qaýip tóndirmeıtin jaǵdaı jasadyq", - dedi Mao Nın.
Bul - Amerıkanyń kontınentaldy bóliginde baıqalǵan ekinshi aerozond. Birinshi zondty AQSH áskerı kúshteri aqpan aıynyń basynda anyqtady. Kóp uzamaı Qytaı bıligi apparattyń tek azamattyq fýnksıalary bar ekenin málimdedi. Alaıda, bul Amerıka Qurama Shtattarynyń Memlekettik hatshysy Entonı Blınkenniń Qytaı astanasyna barýdan bas tartýyna sebep boldy.