Ótemaqy depozıtte 2022 jyldyń 23 aqpanynan 2023 jyldyń 23 aqpanyna deıingi aralyqta depozıtte bolǵan eń az qaldyq aqshaǵa esepteledi.
Qazaqstannyń depozıtterge kepildik berý qory (QDKBQ) depozıtter boıynsha ótemaqy tóleýge ótinish qabyldaý 5 kúnnen soń aıaqtalatynyn eske saldy, dep habarlaıdy Almaty-akshamy.kz.
«10 aqpannan keıin ótinishter qabyldaý avtomatty túrde aıaqtalady», - dedi Qazaqstannyń depozıtterge kepildik berý qorynan.
Sońǵy derekter boıynsha 2023 jyldyń 3 aqpanyna qaraı, bankter depozıtter boıynsha ótemaqy (syılyqaqy) tóleýge salymshylardan 306,2 mlrd teńgege ótinishter qabyldady. Bul ótemaqynyń áleýetti somasynyń 92,9% quraıdy.
«Qandaı da bir sebeptermen ótinish bermegen salymshylardy memleket beretin birjolǵy syılyqaqyny alýǵa ótinish berýge shaqyramyz. Bul úshin salymshy depozıti ashylǵan bankke júginýi tıis. Muny sońǵy kúnin qosa alǵanda osy jyldyń 10 aqpanyna deıin bankterdiń bólimshelerinde nemese mobıldik qosymsha arqyly onlaın túrde jasaýǵa bolady. Bankter syılyqaqyny 2023 jyldyń 23 aqpanynan keıin tóleı bastaıdy. Osy rette ótemaqy salym boıynsha bankter tóleıtin paıyzdyq syıaqy mólsherlemesiniń ústinen qosymsha esepteletindigin atap ótkim keledi», - deıdi QDKBQ tóraǵasynyń orynbasary Almas Qudaıbergenov.
Ótemaqy depozıtte 2022 jyldyń 23 aqpanynan 2023 jyldyń 23 aqpanyna deıingi aralyqta depozıtte bolǵan eń az qaldyq aqshaǵa esepteledi.