Qytaı kólikteri naryqty jaýlap tur

Jańa jeńil jáne komersıalyq avtomobılderdiń satylymy alǵashqy segiz aıdyń qorytyndysy boıynsha 119,2 myń birlikti qurap, ótken jylmen salystyrǵanda 0,9%-ǵa tómendegen. Alaıda, brendter boıynsha jaǵdaı ártúrli, dep habarlaıdy aqshamnews.kz.

Dástúrli kóshbasshylar Hyundai, Chevrolet jáne Kia naryqta satylymy tómendegen:

• Hyundai kólikteriniń satylymy13,8%-ǵa azaıyp, 31,3 myń birlikten 27 myńǵa deıin tómendedi.

• Eń kóp satylatyn Chevrolet kólikterine eldiń qyzyǵýshylyǵy tómendepti. Naqtyraq aıtqanda satylym 55,7%, 28,8 myńnan 12,8 myńǵa deıin azaıǵan.

• Al el qyzyǵatyn Kia kóliginiń satylymy 7,8%-ǵa tómendep, 15,1 myń avtomobıl satylǵan.

Mine, osylaısha eldiń nazary birden aýatyn kóshbastaýshylardyń satylymy azaıǵan kezde, Qytaıdan kelgen avtokólik brendterine suranys arta túsipti:

• Chery: 32,8%-ǵa ósip, 9,3 myń birlikti qurady.

• Jac: 88,9%-ǵa ósip, 7,4 myń avto satyldy.

• Geely: 2,5 eseden astam ósim, 4,9 myń birlikke deıin.

• Haval: 41,7%-ǵa ósip, 6 myń birlik satyldy.

• Jetour: 6 eseden astam ósimmen 5,8 myń birlik satyldy.

• Changan: 44,2%-ǵa ósip, 5,5 myń avto satyldy.

Sondaı-aq, Tank, Omoda, Yutong, jáne Jac Trucks brendteri de satylymdardyń oń kórsetkishterin kórsetken.