Quramynda úsh taıkonavt (Qytaıda ǵaryshkerlerdi osylaı aıtady) bar «Shenchjoý-14» ǵarysh mısıasy QHR-nyń «Tángýn» («Aspan saraıy») alǵashqy orbıtalyq stansıasynyń qurylysyn aıaqtaıdy, dep habarlaıdy Almaty-akshamy.kz Inform.kz-ke silteme jasap.
Qytaı basqarylatyn ushyrylymdar ǵarysh agenttigine (CMSA)málimetinshe, «Shenchjoý-14» ushyrylatyn ǵarysh mısıasy negizgi «Tánhe» modýlinen jáne «Ventán» jáne «Mantán» zerthanalyq modýlderinen turatyn bazalyq úshmodýldi qurylymy bar «Tángýn» orbıtalyq stansıasynyń qurylysyn aıaqtaıdy. Bul mısıanyń ekıpajy alty aı orbıtada bolady.
CMSA dırektorynyń orynbasary Lın Sısánnyń aıtýynsha, orbıtalyq stansıa Ulttyq ǵarysh zerthanasyna aınalady. Bortynda ekıpajy bar «Shenchjoý-14» ǵarysh kemesi osy jeksenbide Qytaıdyń soltústik-batysyndaǵy Szúsúan ǵarysh aılaǵynan Beıjiń ýaqytymen saǵat 10:44-te ushty.
Negizgi modýl orbıtada bir jylǵa jýyq ýaqyt boldy, osy ýaqyt ishinde eki basqarylatyn jáne eki júk ǵarysh kemesin jaqyndastyrý jáne túıistirý, ekıpajdardyń stansıada birneshe aı bolýy sıaqty mısıalar aıaqtaldy. «Tángýn» ǵarysh stansıasy 10 jyldan astam ýaqyt boıy 340-450 km bıiktikte jumys isteıdi.