Stansıa qoldanysqa engizilgennen keıin oǵan aldymen qytaılyq astronavtar, sodan keıin basqa seriktes elderdiń ǵaryshkerleri bara alady
Halyqaralyq Aıdy zertteý stansasynyń negizgi konstrýksıasy shamamen 2028 jylǵa deıin salynady. Bul týraly Qytaıdyń Aıdy ıgerý baǵdarlamasynyń bas konstrýktory Ý Veıjen málimdedi, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, Halyqaralyq Aıdy zertteý stansasynyń (ILRS) negizgi konstrýksıasynyń qurylysy 2028 jylǵa deıin aıaqtalady.
Stansa Aıǵa qoný apparattarynan, Aı betinde júrý jáne adam tirshiligin qamtamasyz etý júıesinen turady.
«Biz atom energıasy arqyly uzaq ýaqyt boıy energıamen qamtamasyz etýge múmkindik beretin jańa energetıkalyq júıeni ázirlep jatyrmyz. Al komýnıkasıalyq ınfraqurylym Aı men Jer arasyndaǵy nemese Mars sıaqty basqa planetalarmen baılanysty qamtamasyz etedi», - dep keltiredi qytaılyq ǵalymnyń sózin CCTV.
ILRS negizgi konfıgýrasıasy «Chane-6,7 jáne 8» mısıalary barysynda iske qosylady.
Stansıa qoldanysqa engizilgennen keıin oǵan aldymen qytaılyq astronavtar, sodan keıin basqa seriktes elderdiń ǵaryshkerleri bara alady.
Alaıda, kóbine stansa bos turady.