19-21 jeltoqsanda qystyń qaqaǵan aıazynyń beti qaıtady.
Qazaqstanǵa soltústik atlantıkalyq jyly aýa massasy jyljyp keledi, dep habarlaıdy almaty-akshamy.kz "Qazgıromet" RMK-nyń baspasóz qyzmetine silteme jasap.
"Qystyń naǵyz qaqaǵan aıazdy kezeńi aıaqtalady. Qazaqstan aýmaǵyna Atlantıkalyq muhıttyń soltústik bóligindegi jyly aýa massasy jyljyp keledi. Nátıjesinde elimizdiń basym bóliginde aýa temperatýrasy kóteriledi dep kútiledi. Kezekti soltústik atlantıkalyq sıklonnyń saldarynan meteojaǵdaılar nasharlap, boran soǵyp, qar jaýady, al qardyń arty jańbyrǵa ulasady. Qazaqstannyń batysy men ońtústiginde 21 jeltoqsanda keshke, sondaı-aq elimizdiń soltústiginde jáne ortalyǵynda kóktaıǵaq bolady dep boljanady", dep habarlady "Qazgıdromet" RMK-nyń baspasóz qyzmeti
Sondaı-aq sınoptıkter synap baǵany kúndiz -3°C...-8°C aıazdan, birtindep -2°C, odan keıin +3°C deıin kóteriletinin boljaıdy.