Kólik ıesi osynsha somadaǵy aıyppuldy arqalap júre bergen.
Patrúldik polıseıler Túrkistan oblysy aýmaǵynda jol qaýipsizdigin qamtamasyz etý boıynsha is-sharalardy ótkizý barysynda iri kólemde tólenbegen aıyppuly bar jeńil kólikti anyqtady, – dep habarlaıdy Almaty-akshamy.kz Polisia.kz-ke silteme jasap.
Naqtyraq aıtsaq, Ordabasy aýdandyq PB JPQ patrúldik polısıasynyń qyzmetkerleri “Qorǵaý – qaýipti júrgizýshi” baǵdarlamasy arqyly Temirlan kenti kósheleriniń birinen Volkswagen Polo avtokóligin toqtatty. Tekserý kezinde júrgizýshiniń 4 mıllıon teńgeden astam somaǵa buryn salynǵan ákimshilik aıyppuly bary anyqtaldy. Nátıjesinde tártip saqshylary avtokólikti aıypturaqqa qoıyp, tıisti sharalar qabyldady. Sondaı-aq avtokólik ıesine aıyppuldaryn ýaqytyly tóleý qajettigi týraly túsindirdi. Polısıa qyzmetkerleri júrgizýshilerge jol erejelerin saqtaýdyń jáne jolda muqıat bolýdy eskertedi.