Zańda qarastyrylǵandaı, jeńip alǵan medaldarǵa qaraı páter de bólinedi.
QR Mádenıet jáne sport vıse-mınıstri Serik Jarasbaev Beıjińde ótetin XXIV Qysqy Olımpıada men Paralımpıadada júlde alǵan sportshylarǵa qansha syıaqy beriletinin aıtty, dep habarlaıdy Almaty-akshamy.kz.
«Júldeli oryn alǵan olımpıadashylar men paralımpıadashylar (1-6 oryn) aqshalaı syıaqy alady. Zańda qarastyrylǵandaı, jeńip alǵan medaldarǵa qaraı páter de bólinedi. Birinshi oryn úshin – 250 myń dollar, odan keıin – 150 myń jáne 75 myń dollar syıaqy bekitilgen. Medal jeńip alǵan jaǵdaıda, bul qarajat QR Memlekettik rezervinen tólenedi», - dedi Serik Jarasbaev Ortalyq komýnıkasıalar qyzmetinde ótken baspasóz máslıhatynda.
Brıfıń barysynda vıse-mınıstr paralımpıada oıyndarynda daıyndyq týraly aıtyp berdi.
«Paralımpıadashylarǵa olımpıadashylar sıaqty birdeı kóńil bólý kerek. Olımpıadashylardy shyǵaryp salý kezinde Prezıdenttiń qabyldaýynda eki paralımpıadashy boldy. Paralımpıada oıyndarynda sportshylarymyz birneshe ese az. Oǵan qatysatyn 4 adamnyń ekeýi shańǵy sportynda jáne ekeýi bıatlonda baq synaıdy. Daıyndyq qyzý júrip jatyr. 5-25 aqpanda sportshylar oqý-jattyǵý jıynyna – «Alataý» shańǵy-bıatlon keshenine barady. Paralımpıada komıtetimen barlyq máseleler pysyqtaldy. Olardyń sany áldeqaıda az bolǵandyqtan, bar másele jyldam sheshiledi. Biz olarǵa sáttilik tileımiz», - dedi S. Jarasbaev.