Olımpıadasyna lısenzıa beretin jarystar jalǵasyp jatyr.
Kelesi jylǵa josparlanǵan eń basty básekelerdiń biri – 19 qańtar men 1 aqpan aralyǵynda Ońtústik Koreıanyń Kanvondo provınsıasyndaǵy Kannyn qalasynda ótetin IV qysqy jasóspirimder Olımpıadasy. 2012 jyldan beri uıymdastyrylyp kele jatqan jasóspirimderdiń dúbirli dodasyna elimizdiń sportshylary bıyl tórtinshi márte qatyspaq.
Qazirgi tańda Qazaqstan jasóspirimder quramasynyń qorjynynda bıatlon, kónkımen júgirý, short-trek, kerlıng, shaıbaly hokeı, shańǵy jarysy, shańǵymen tramplınnen sekirý, shańǵy qossaıysy, taý shańǵysy, frıstaıl paralel mogýl túrinen 30 joldama bar. Dese de, joldama sany áli de tolyǵa túsýi múmkin. Óıtkeni jasóspirimder Olımpıadasyna lısenzıa beretin jarystar jalǵasyp jatyr.
Aıta keteıik, IV qysqy jasóspirimder Olımpıadasynyń ashylý saltanaty 2024 jyldyń 19 qańtarynda Kannyndaǵy Gangneuung Oval sport kesheninde ótse, Oıyndardyń jabylý saltanaty 2024 jyldyń 1 aqpanynda Gangneung Olympic Park sport kesheninde uıymdastyrylady dep josparlanǵan.