Almatyda kóshi-qon zańnamasyn buzǵan 300-den astam sheteldik azamat anyqtaldy
Almatyda zańsyz mıgranttardyń turýy jáne zańsyz eńbek qyzmetin júzege asyrýy múmkin jerlerdi anyqtaýǵa baǵyttalǵan profılaktıkalyq is-sharalar jalǵasyp jatyr.
– Tek sońǵy aptanyń ózinde barlyǵy 302 sheteldik ákimshilik jaýapkershilikke tartyldy, olardyń 34-i shet memleketterdiń azamattary (Nıgerıa – 9, Túrkıa – 14) jáne Ózbekstan men Tájikstannan kelgen 268 azamat bar. Qabyldap-taratýǵa jeke basyn kýálandyratyn qujaty joq 107 sheteldik ornalastyryldy. Sot qaýlysymen 90 sheteldik Qazaqstan Respýblıkasynan shyǵaryldy, – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Sondaı-aq Asqat Býtýnchınov qabyldaýshy 81 jeke jáne zańdy tulǵaǵa qatysty ákimshilik shara qoldanylǵanyn aıtty.