Almatynyń qysqa merzimdi ekonomıkalyq ındıkatory 2023 jyldyń 10 aıynyń qorytyndysy boıynsha 13,1%-ǵa ósti
Bul týraly Almaty ákimi Erbolat Dosaev máslıhattyń kezekten tys XII sesıasynda málimdedi.
«2023 jyl - Almaty qalasyn damytýdyń jańa baǵdarlamasyn iske asyrýdyń birinshi jyly boldy. Bıyl 10 aıda Almaty ekonomıkasynyń serpindi ósýi qamtamasyz etildi. Qysqa merzimdi ekonomıkalyq ındıkator 13,1%-ǵa ósti. Óńdeý ónerkásibi, saýda, kólik jáne qoımalaý ekonomıkanyń ósý draıverlerine aınaldy», - dedi Erbolat Dosaev.
Bıyl 11 aıda jyldyq ınflásıa 10,5%-ǵa deıin baıaýlady. 2023 jyldyń qorytyndysy boıynsha qala ekonomıkasynyń ósýi osy jyldyń basyndaǵy boljanǵan 5% ósýimen salystyrǵanda 6,5% deıin jedeldeıdi dep boljanyp otyr.