Bul týraly Almaty ákimi Erbolat Dosaev máslıhattyń kezekten tys XII sesıasynda málimdedi, dep habarlaıdy almaty-akshamy.kz
"Aǵymdaǵy jyly Prezıdenttiń tapsyrmasy boıynsha "Jaıly mektep" ulttyq jobasyn iske asyrý bastaldy. "Samruk-Kazyna Construction" AQ jelisi boıynsha 13 mekteptiń qurylysy bastaldy jáne jeke ınvestorlarmen barlyǵy 37 100 oryndy 9 mektepti salý men satyp alý jónindegi memorandýmdarǵa qol qoıyldy", - dedi E.Dosaev.
Onyń aıtýynsha, 2024 jyly Almatynyń jeke damý baǵdarlamalary aıasynda 2 mektep pen 4 qosalqy nysan qurylysyn aıaqtaý, sondaı-aq 3 mektepti rekonstrýksıalaý josparlanýda (№59, №155, №189), olar Bostandyq, Áýezov jáne Túrksib aýdandarynda ornalasqan.
Aǵymdaǵy jyldyń sońyna deıin keshendi qaýipsizdik júıesin engizý barlyq 206 memlekettik mektepte,
8 ınternat jáne 194 memlekettik balabaqshada aıaqtalady.
Sondaı-aq, Almaty ákimi 138 myń oqýshy (olardyń jalpy sanynyń 45%) jáne 1 qyrkúıekten bastap memlekettik balabaqshalarda HÁOT otbasylarynan shyqqan 5,7 myń bala 20,9 mlrd.teńge somasyna tegin tamaqpen qamtamasyz etilgenin habarlady. Bul jumysty jalǵastyrýǵa 2024 jyly 20,8 mlrd teńge qarastyrylady.