Ispanıada temperatýra 28 gradýsqa deıin jetti.
Kórshiles Portýgalıada da osyndaı jaǵdaı. Endi qos memlekette qýańshylyq máselesi ýshyǵyp barady. Sondyqtan bılik sýdy tutynýdy shektedi, dep habarlaıdy Almaty-akshamy.kz 24.kz-ke silteme jasap.
Kúnniń ystyǵyna turǵyndar máz bolǵanymen mamandar bul klımattyń ózgerýiniń kórinisi ekenin eskertedi.
Osy jahandyq jylyný kesirinen Avstralıanyń Kvınslend shtatynynyń bir bóliginde daýyl oıran salsa, basqa aýdandarynyń turǵyndary 40 gradýstyq aptap ystyqqa daıyndalyp jatyr. 2023 adamzat tarıhyndaǵy eń ystyq jyl boldy. Mamandar bıyl odan da ystyq bola ma dep alańdaýly.
Eýropadaǵy qazirgi ahýal sol boljamdardy rastap otyrǵandaı. Jyl basynan beri Ispanıada anomaldy aýa raıy tirkeldi. Qys ortasynda eldiń birqatar óńirinde kún ysyp, aýa temperatýrasy plús 28 gradýsqa deıin kóterilgen. Buǵan máz bolǵan turǵyndar sýǵa shomylyp kóńil kóterýde. Mamandar bolsa bul qýanatyndaı jaǵdaı emes deıdi. Óıtkeni birneshe jyldan beri Pıreneı túbegin qýańshylyq jaılap, ahýal ýshyqqan. Qurǵaqshylyqtan ásirese Katalonıa aımaǵy kóp zardap shegip otyr. Óńir bıligi aýyzsý paıdalanýdy shekteýge májbúr. Tirshilik nárin únemdeý úshin túrli sharalar qolǵa alynyp jatyr.