Shymkent kóshelerine jeltoqsan aıynda gúl egildi.
Áleýmettik jelide Shymkent kóshelerine gúl egip jatqan komýnaldyq sala qyzmetkerleri týraly vıdeo tarady, dep habarlaıdy Almaty-akshamy.kz QazAqparatqa silteme jasap.
Facebook-ke ornalastyrylǵan vıdeoǵa oqyrmandar da túrli pikir jazyp jatyr. Olardyń arasynda «Qystyń ýaqytynda gúlden bólek qanshama problemalar kóp. Gúl solyp qalady, eshkimge qajeti joq. Qarajatty ysyrap jasaǵansha, ózge máselelerge jumsasa, jaqsy bolar edi», «Kaıran, Shymkent, barlyq jaǵynan alda», «Jer toń, túnde -8-10 bolyp jatyr, úsip ketedi emes pe?» degen pikirler bar.
Bul máselege qatysty Shymkent qalalyq jaıly ortany damytý basqarmasy resmı túrde jaýap berdi.
«Qazirgi tańda qalamyzda kóktem maýsymynda erte gúldeıtin qyzǵaldaq jáne hrızantema gúl kóshetteri egilip jatyr. Atalǵan gúlder jylda osy ýaqytta egilip, kóktemde gúldeıdi. Sondyqtan gúlderdiń ósýinde másele týyndamaıdy», - delingen málimette.