Sabaq bastalǵan kezde polısıa jasaqtary bilim berý mekemeleriniń janyndaǵy qaýipsizdikti qadaǵalaıdy.
Bul týraly İİM aqparat alańynda ótken onlaın brıfıńte Ákimshilik polısıa komıteti tóraǵasynyń orynbasary Jandos Muratálıev málimdedi , dep habarlaıdy Almaty-akshamy.kz
«Bıyl 1 qyrkúıekten bastap bilim berý mekemeleriniń mańynda polısıa jasaqtarynyń tyǵyzdyǵy artady. Bilim berý mekemeleriniń janyndaǵy jol jelisi tek is-shara kezinde ǵana emes, turaqty túrde tekseriletinin aıta ketý kerek. Sondaı-aq, balalar men jasóspirimderdi tasymaldaýǵa arnalǵan kólik quraldaryna kóp kóńil bólinedi. Bıyl bizdiń qyzmetkerler oqý oryndaryna tıesili 2 myńǵa jýyq kólikti tekserdi. Anyqtalǵan kemshilikterdi joıý úshin tıisti mekemelerge 100-den astam uıǵarym joldanǵan», - deıdi İİM ókili.
Onyń aıtýyna qaraǵanda, balalardy jol-kólik jaraqattarynan qorǵaý máselesinde oqý prosesi de mańyzdy qyzmet atqarady.
«Bilim jáne ǵylym mınıstrliginiń uıymdastyrýymen bilim berý uıymdarynda júıeli túrde, oqý jospary aıasynda jolda júrý qaǵıdalary boıynsha oqytý qarastyrylǵan. Óz kezeginde polısıa qyzmetkerleri mektep oqýshylaryna jol júrisi qaǵıdalaryn úıretý boıynsha onlaın formatta myńnan astam konkýrstar men vıktorınalar ótkizdi. 1 qyrkúıekten bastap bul baǵyttaǵy jumys dástúrli formatta jalǵasyn tabady dep senemiz», - dedi Jandos Muratálıev.