«Balalardyń joldaǵy qaýipsizdigi» taqyrybyndaǵy brıfıńte İİM Ákimshilik polısıa komıteti tóraǵasynyń orynbasary Jandos Muratálıev osylaı dedi.
Elimizdegi jolǵa jaqyn ornalasqan 4 myń bilim berý mekemesinen 2 myń kemshilik anyqtaldy, dep habarlaıdy Almaty-akshamy.kz
«Jolǵa jaqyn ornalasqan bilim berý mekemeleriniń aýmaǵyna 4 myńnan astam tekserý jumystary júrgizildi. Tekserý nátıjeleri boıynsha anyqtalǵan kemshilikterdi joıý úshin ýákiletti mekemelerge 2 myńǵa jýyq nusqama berildi. Qazirgi ýaqytta 3 612 mekteptiń janynda jaıaý júrginshi ótkelderi bar, 2 473 mekteptiń janynda jasandy kedergiler ornalastyrǵan, al 2 300-ge jýyq mektep janynda jaıaý júrginshilerge arnalǵan labırınt tektes qorshaýlar ornatylǵan», - deıdi komıtet basshysynyń orynbasary.
Sondaı-aq, Jandos Muratálıev bilim berý mekemeleriniń janynda 1 160 jol belgisi jańartylǵanyn aıtty.
«Bilim berý mekemeleriniń janynda 1 160 jol belgisi aýystyrylyp, qaıta ornatyldy. Myńǵa jýyq jaıaý júrginshiler ótkeli jabdyqtalyp, 8 myń metrden astam jaıaý júrginshiler joly salyndy, 16 myń metr jol jasandy jolmen jaryqtandyryldy», - dedi İİM ókili.