2025 jyldyń qyrkúıek aıynan bastap almatylyqtar onkoskrınıngterden tegin óte alady. Buǵan deıin bul qyzmetti alý úshin «saqtandyrylǵan» statýsy qajet bolatyn, dep habarlaıdy Aqshamnews.kz. Bul týraly Almaty qalasynyń №6 qalalyq emhana dırektory Gúlshahıra Kambarova málimdedi.
Aıta ketsek, onkoskrınıngterdiń qoljetimdi bolýy mindetti áleýmettik medısınalyq saqtandyrý týraly zańnamaǵa engizilgen ózgeristerdiń arqasynda múmkin boldy. Sonymen qatar, áleýmettik mańyzy bar 8 aýrýdy dıagnostıkalaý men emdeý de tolyqtaı tegin bolady.
Skrınıng arqyly qandaı syrqattardy anyqtaýǵa bolady?
• Jatyr moıny obyryn erte anyqtaý – 30-70 jas aralyǵyndaǵy áıelder
• Sút bezi obyryn erte anyqtaý – 40-70 jas aralyǵyndaǵy áıelder
• Kolorektaldy obyrdy erte anyqtaý – 50-70 jas aralyǵyndaǵy erler men áıelder
Skrınıngten ótý jıiligi qandaı?
Skrınıngtik zertteýlerdiń keı túri bes jyl saıyn, keıbiri – eki nemese tórt jyl saıyn jasalady. Mysaly, sút bezi isigi men kolorektaldy obyrǵa 2 jylda 1 ret, al jatyr moıny obyryna – 4 jylda 1 ret tekserilý qajet.
Skrınıngtik baǵdarlamaǵa qandaı qyzmetter kiredi?
Áıelder jatyr moıny obyryna tirkelgen emhana arqyly tekseriledi. Akýsher-gınekolog, onkolog pen mammolog syndy mamandar keńesine júginip, ÝDZ, mammografıa syndy tekserýlerden óte alady. Sonymen qatar, sút bezi obyrynyń aldyn alý úshin vıdeokolposkopıa nemese kolposkopıa, PAP-test, pýnksıalyq bıopsıa men gıstologıalyq zertteýlerge tapsyrýǵa bolady.
Kolorektaldy obyrdyń aldyn alýǵa arnalǵan tekserýlerden erler de, áıelder de ótýi tıis. Profılaktıkalyq is-sharalar barysynda olar hırýrg, onkolog, gastroenterolog pen proktolog mamandardan keńes alady. Sondaı-aq, úlken dárettegi jasyryn qandy tekserý maqsatynda shuǵyl ádispen gemokýlt-test tapsyrady, jalpy vıdeokolonoskopıý, endoskopıalyq bıopsıa jáne gıstologıalyq tekserýlerden ótýge bolady.
Skrınıng ótkennen keıin ne isteımiz?
Skrınıngtik zertteýden ótken pasıentter densaýlyǵynan aqaý tabylǵan jaǵdaıda salalyq mamandardyń konsýltasıa