Almaty qalasynyń «Qazáueormanqorǵau» RMQK áue bólímshesí qazírgí zamanǵy tehnologıyalar men áue kúshterín paıdalanyp, orman qoryn áueden baqylaudy jalǵastyryp jatyr.
Órttíń aldyn alu, uaqytyly anyqtau, jyldam áreket etu men tūrǵyndardy órt qauípsízdígí erejelerí turaly qūlaqtandyru osy mausymdaǵy basty jūmys bolyp otyr. Óńírlík kommunıkatsıyalar qyzmetínde «Qazáueormanqorǵau» RMQK -níń qalalyq bólímshesíníń jetekshísí Bekzat Baıshalov osylaı dep málímdedí.
Ońtústíktegí órt qaupí joǵary mausym tabıǵı aumaqtardy qorǵaumen aınalysatyn barlyq qyzmettíń úılesímdí jūmys ístegenín talap etedí. «Qazáueormanqorǵau» RMQK -nyń Almatydaǵy áue bólímshesí sonyń íshíndegí eń mańyzdy sala. Onyń qaramaǵynda 672 myń gektar orman qory bar. Mı-8 tíkūshaǵymen, sondaı-aq EC-145, H125 jáne H130 tíkūshaǵymen, Partenavia ūshaǵy arnauly jabdyqpen qamtamasyz etílgen. Būlar órt shyqqan jerge su aparyp, órt sóndírushílerdí qıyn jerlerge jetkízuge, kamera men dron arqyly aınalany baqylap otyruǵa múmkíndík beredí.
«Jer men áuení qazírgí zamanǵy tehnologıyalarmen baqylap otyrady. Statsıonarlyq baqylau qūraldaryn, mobıldí toptar kvadrokopterlerdí paıdalanyp, órt sóndíru kezínde qazírgí zamanǵy hımıyalyq zattardy qoldanady», - dep atap óttí Bekzat Baıshalov.
Sonymen qatar, órttí anyqtau men sóndírudíń jańa sheshímín engízuge de kóp kóńíl bólíníp otyr. Mysaly, bólímshede jasandy jadty paıdalanu arqyly qauíp-qaterdí baǵalau men boljau, kompyuterlík sımulyatsıyalar arqyly personaldy dayarlau, qıyn jerlerde órt sóndírudíń tıímdílígín arttyratyn otandyq «Stop Fire Plus» qūramyn qoldanu josparlanyp otyr eken.
«Qauíp-qaterge jauap beríp qana otyrmaı, aldyn aluǵa ūmtylu kerek. Būǵan tehnologıya ǵana emes, adam da aralasuy kerek», - deıdí Bekzat Baıshalov.
Alaıda mamandardyń aıtuynsha, típtí eń ozyq tehnologıyalar da tártíp pen adamnyń ornyn basa almaıdy.
«Temekí tūqyly da, órtengen shóp te qauíptí. Bíz turıstík aımaqtardaǵy baqylaudy kúsheıttík, bíraq azamattardyń ózí bírínshí bolyp saqtyqty qolǵa almasa bolmaıdy», - deıdí Bekzat Baıshalov.
Qūrǵaqshylyq pen ystyqqa baılanysty órt shyqpas úshín «Qazáueormanqorǵau» bírqatar aldyn alu ís-sharasyn ūsynady. Mysaly, erekshe qorǵalatyn tabıǵı aumaqtarǵa baruǵa uaqytsha shekteu qoıyp, ūıymdasqan turıstík toptardy tírkep, olarǵa túsíndíre jūmysyn júrgízíp, rekreatsıyalyq júktemesí joǵary baǵattarda baqylau beketterín ornatu.
«Bíz jūrtqa tabıǵatta demalyp qana qoımaı, aınalaǵa ūqypty qarau kerektígín de ūqtyrǵymyz keledí. Ásírese, qazírgí kún raıy osyny talap etíp otyr», - dep túıíndedí Bekzat Baıshalov.
Jahandaǵy klımattyq ózgerís pen turısterdíń kóbeyuíne baılanysty ormandy áueden qorǵau jaǵy óńírdíń ekologıyalyq qauípsízdígín qamtamasyz etu júıesíndegí eń negízgí jūmys bolyp qalyp otyr.
Órt qaupí basym mausymnyń bastalǵaly berí 11 orman órtí tírkelíp, onyń 5-í neden shyqqany anyqtalǵan joq, bíraq áueden baqylau arqyly 4 órttí der kezínde taptyq, būlar 67%-dy qūraıdy. Órttíń jalpy aumaǵy 51,209 gektarǵa jetíp, onyń 42,309 gektary orman aumaǵynda, 8,9 gektary ormansyz aumaqta boldy. «Qazáueormanqorǵau» kúzetíníń qyzmetkerlerí 9 órttí sóndíruge qatysty, būl memlekettík orman qory aumaǵynda shyqqan órttíń 82%-y. Sonymen qatar, áue kúzetí qyzmetkerlerí memlekettík jer qorynda bolǵan órttí sóndíruge de qatysty.