Ustalǵan azamat tek qana Qyrǵyzstanda tirkelgen Honda Odyssey kólikti urlaýǵa mamandanǵan
Kúdiktini áshkereleý jáne ustaý is-sharasyn Alataý aýdandyq PB janyndaǵy polısıa bóliminiń jáne krımınaldyq polısıanyń qyzmetkerleri júrgizdi, dep habarlaıdy Almaty-akshamy.kz
«Jedel izdestirý is-sharalaryn júrgizý barysynda kúdikti anyqtalyp, turǵylyqty jeri Almaty oblysy, Qarasaı aýdanynda ustaldy. Anyqtalǵandaı, buryn tonaý jáne urlyq jasaǵany úshin sottalǵan 29 jastaǵy K.esimdi azamat, túngi ýaqytta qulypty ashatyn jáne qozǵaltqyshty iske qosýǵa arnalǵan arnaıy tehnıkanyń kómegimen Honda Odyssey avtokólikterin urlaǵan», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Alataý aýdandyq PB janyndaǵy polısıa bóliminiń bastyǵy Qumarbek Kenshinbaev kúdiktiniń urlanǵan kólikterdi satýmen aınalysqanyn atap ótti. Kúdikti sońǵy ret urlaǵan kóliginen qutylyp úlgermedi. Kólik tabyldy jáne tárkilendi. Qylmystyq is QR QK-niń 188-baby 3-bóligi boıynsha tergelýde. Tergeý kezeńinde urlyqshynyń ózi ýaqytsha ustaý ızolátoryna qamaldy.