Zaman bilgirdiń qolynda
Qazaqstandyq IT-kompanıalar EEO elderiniń aýmaǵynda básekelestikke qabilettilikterin jetildirip, óz ázirlemelerin aýqymdaı alady, dep habarlaıdy Almaty-akshamy.kz Qazaqtv.com saıtyna silteme jasap
Eýrazıalyq damý banki men «Zerde» ulttyq holdıńiniń bastamasymen arnaıy qurylǵan Astana Hub ekojúıesiniń arqasynda osyndaı múmkindik týyndap otyr.
Taraptar qol qoıǵan memorandýmǵa sáıkes, iriktelgen startaptar bastapqy kezeńde ishki qarjy kózderinen qarjylandyrylady, keıin sarapshylyq baǵalaýdan soń eń tıimdi jobalar halyqaralyq qarjy uıymdarynyń ınvestısıalaryna úmittene alady.
«Qazirgi júıe naryqtyq tetikter arqyly quryldy. Naryq qatysýshylary qaı baǵyttardy qarjylandyratynyn ózderi tańdaıdy. Bul – eń pármendi tásil. Búgingi kúni Astana Hub-tyń ekojúıesinde arnaıy salyqtyq rejım qurylǵan, onda 579 kompanıa jumys isteıdi. 2019 jyldyń sáýirinen beri qordalanǵan qarjy somasy 380 mln dollardy quraıdy», - dedi «Zerde» ulttyq holdıńiniń basqarma tóraǵasynyń orynbasary Marlen Sıhaev.