50-den astam úı sý astynda qaldy.
Qyrǵyzstannyń Ystyqkólinde nóser jańbyrdan keıin sel júrdi, nátıjesinde ishki joldar men aryqtar qum men qıyrshyq tasqa tolyp, turǵyn úılerdi sý basqan, dep habarlaıdy Almaty-akshamy.kz Kabar.kg cilteme jasap.
Qazirgi ýaqytta oqıǵa ornynda Tótenshe jaǵdaılar mınıstri Boobek Ájikeev bastaǵan bir top mamandar júr.
Mamandardyń habarlaýynsha, búgin, 30 shilde, saǵat 04:30 shamasynda Balyqshy qalasy men Kesken-Bel asýynda, Ton aýdanynyń Qara-SHaar jáne Ottýk aýyldarynda nóser jańbyr jaýǵan. İshki joldar men aryqtar qum men qıyrshyq tasqa tolyp, turǵyn úılerdi sý basqan.
Sý basqan jerlerde 100-ge jýyq jergilikti turǵyn jáne azamattyq qorǵanys qyzmetiniń 30 qyzmetkeri jumys isteýde.