Qyrǵyzstan aýmaǵynda TikTok qyzmeti toqtaıdy.
Qyrǵyzstannyń mádenıet, aqparat, sport jáne jastar saıasaty mınıstrligi el aýmaǵynda TikTok-ty buǵattaý jóninde sheshim qabyldady. Sheshim odan ári júzege asyrý úshin Sıfrlyq damý mınıstrligine jiberildi, dep habarlaıdy Almaty-akshamy.kz QazAqparatqa silteme jasap.
«Qyrǵyzstanda TikTok áleýmettik jelisin buǵattaý týraly sheshimniń geosaıası astary joq. Bul shara balalardyń adamgershilik tárbıesine teris áser etetin jáne psıhologıasyna zıan keltiretin aqparattan qorǵaýǵa baǵyttalǵan. TikTok áleýmettik jelisinde balalardyń densaýlyǵy men damýyna zıan keltiretin aqparatty shekteý fýnksıasy joq. Sondaı-aq, ol qoldanbadaǵy aqparatqa qol jetkizý kezinde paıdalanýshylardyń jas sanatyn baqylaýǵa almaıdy. Joǵaryda aıtylǵandardyń negizinde jáne kóptegen ótinishterdi eskere otyryp, Qyrǵyz Respýblıkasynyń Mádenıet, aqparat, sport jáne jastar saıasaty mınıstrligi el aýmaǵynda TikTok qyzmetin toqtatý jóninde sheshim qabyldady», - delingen vedomstvo málimdemesinde.