Parlament palatalarynyń birlesken otyrysynda Prezıdent Qasym-Jomart Toqaev osyndaı pikir aıtty.
«Qazaqstanda ken óndirý ónerkásibi jaqsy damyǵany barshaǵa belgili. Osy sala ulttyq ekonomıkanyń ósimin qamtamasyz etetin senimdi tabys kózi bolyp keledi. Bolashaqta da solaı bolýǵa tıis. Kóptegen metaldyń álemdik naryqtaǵy baǵasy buryn-sońdy bolmaǵan deńgeıge jetti. Soǵan qaramastan iri óndiris oryndaryna jaqyn turatyn jurttyń narazylyǵy kúsheıip barady. Olar ekologıa nasharlap, densaýlyqqa zıan keltirip jatqanyn aıtyp, shaǵymdanýda», - dedi Memleket basshysy.
Sondaı-aq, Prezıdent jumysshylardyń óndiriste mertigýi jáne qazaǵa ushyraýy jıilep ketkenine toqtaldy.
«Úkimet kásiporyndardyń tehnologıalyq jáne ekologıalyq ahýalyn, densaýlyq saqtaý júıesin jaqsartý úshin batyl sharalar qabyldaýy qajet. Sondyqtan iri óndiris kásiporyndary 5 jyl saıyn tehnologıalyq jáne ekologıalyq aýdıt jasaýy kerek. Bul talap ınfraqurylym salasyndaǵy kásiporyndarǵa da qoıylýǵa tıis», - dedi Qasym-Jomart Toqaev.